بابا نؤيل في بغداد

مِثل ماتعرفون إنه (بابا نؤيل) رجّال حبّاب، ينطي هدايا للجَهال وللفقراء.. المهم فد يوم حجي نؤيل ديباوع بخريطة العالم چان يشوف العراق.. گال: إييييي.. هذولة خطيـّة خلي أساعدهم .. المهم.. نِگر سِلْف للعربانة مالته وچان إطِّيِر الغِزلان مال بابا نؤيل وإجه بيها للعراق وبغداد خصوصاً.. بقى تقريبا ثلاث ساعات يدوّر على بيت بي شجرة مال إكرسمس
وماكو.. هناك چان يخيّطها بِبريك قوي، حتى الغراض يلي بالعربانة وگعنْ واطّشرنْ... وگام يصيح: لگيت بيت... گيــت.. نِزل بالسطح وبُقه يدوّر على فتحة مال مدخنة يفوت منها!!.. ماكو.. راد باب مفتوحة!!.. ماكو.. راد شباچ يكسره ويفوت منة؟؟.. مالگة.. لأن كلهة بيهة كتايب. المهم.. فات من الفتحة مال المبردة وحطْ الهدايا يم الشجرة
وطِلع.. أول ما طِلع چان يسمع، صوت واحد يصيّح حرامي!!!.. وعينكم ما إتشوف الاّ النور.. إشتغلتْ الطلقاتْ
والبيكيسياتْ وحتى قاذفات وهاونات.. على هالرجّال المسكين.. وهوّه ظل يركض مِن بيت لبيت، ومِن سطح لسطح، ما يعرف شنو الفلم.. عباله صارت حرب. والتمّت المونيكات والهمرات والحرس الوطني والشرطة... واحد
يگول شفتة لابس حزام ناسف!!.. واحد يگول العربانة مالته مفخخة. !!! هناك چان يچيّت عليه واحد، وكُمشه.. وسحله من لحيتة لمركز الشرطة طبعا"بعد ما شبع كتل بالطريق.. وبالتحقيق محد صدّگه وكل ميفك حلگه..يجي راشدي.. وبعدين زينوه صفر وأخذوا موبايلة وچانت بجيبة أربع أوراق ونص هم أخذوهِن.. وبعد ثلاث دقائق طلع خبر عاجل على قناة العراقية يگول قوات الأمن تلقي القبظ على أبرز الأرهابين المطلوبين بحوزته شاحنة مفخخة وتحتوي على ثلاث مخابئ كبيرة للأسلحة وتم ضبط 6000000 قذيفة مدفع 400000 قاذفة صاروخية80000000 برميل يحتوي على مادة tnt شديدة الأنفجار و38474880000 لغم مضاد للأشخاص و787654343224455 بندقية و35546 صاروخ متوسط المدى و 70000 برميل يحتوى على غاز الكلور وتم قتل74597576868675885758494938775889758
59958686986785889578685876856000000000000000000000 000000000000 ارهابي كانوا معه تالـي بعد ما ورقلهم وانطة الي ابجيبة طلع بالگوّة، گالو: رجّال چبير.رجع بابا نويل للبيت الي نِزل بالسطح مالتة لگة العربانة ماكو.. سِئل جاهل گله: شصار من العربانة؟؟... گله الجاهل: الغراض
إلي بيهة إتحوسمتْ كلها، سأله (بابا نؤيل): زين الغزلان وكّلتوهن؟؟، گلّة يا غزلان عمي؟؟ هنّة چم حمار وعربانة مكسرة
إجو أخذوهن الدوّارة أهل الطحين وراحوا.ويدكهة الرجّال مشي من بغداد لبيتهم حتى فلوس كيا بجيبه ماكو
وگال ويه روحه: آني أجي لبغداد بعد!! المهم وهو بطريق الرجعة وما يعرف شيسوي طگت يمة مفخخة چان ينشمر ويوگع بالكاع، وإتبهذل... صفن وگال: وِلكَمْ شكو؟؟.. منو ماكِل باگلة زايد؟؟.. حقة ما يعرف شنو مفخخة.. وگوة فهموا شنو مفخخة.كمّل مشي الرجّال وبالصدفة.. وهو بطريق الرجعة كمشُوه الجماعة ( الميلشيات) الصكاكة .. وأخذوه.. وحظروا الدريلات ديعذبوا وگلوله: إنته منين؟؟ سني لو شيعي؟؟.. گاللهم يابا آني (بابا نؤيل).. كللوله: ناصب علينه!!!.. وجوي ديزرفوه، ويةَ مديزرفوه چان تجي الغزلان والعربانة... طلعوا فالتين من بغداد
وبالكوة چلّب بيهن وفلت.. المهم هوة عبالة إرتاح وگال: الحمد الله جتّي على هيچ وبس.. بعده ما منَجِّم بالسِما، چان يجيه
صاروخ (سِترِلّه) من هذا الحنَيّن ويضرب العربانة وإشتغلت السبعة وخمسين علية ودوشكات... حرگوا الجو حرگ على
الرجال المسكين.. المهم هوة مدري شلون إنشمر فوگ غزالة من غزلانه وچلّب بيها وفِلتْ وراح لبيتهم بالقُطب وقدّم استقالة من هاي الشغله.. وهسة هوة كلّش يكره الجهال وما يحب الهدايا وبس يباوع أفلام رعب واشترى مسدسات ورشاشات ويصيح طول اليوم....

إيلاگونة لو بيهم زود إيلاگونة لو بيهم زود !!!

يسلمو حبيبي عالموضوع
تقبل مروري

يسلموووووو