تحشيش على ابو الكص

هلو شباااااااااااب
ليدي اند جنتل مان
ولد بنات او بنات ولد ( ماكو فرق انشأ الله)



طبعا اليوم افتريت بمنطقتنا وكَفت يم مطعم واكلت لفه فلافل وجان عيني على ابو الكَص
فكَلت ارجع للبيت احشش على ابو الكَص

مواصفات ابو الكَص:

1-المكينه الي يشوي بيها تلمع جنها مرايه وابد مابيها دهن اسود محتركَ يعني مثل العروس !!!


2-ولحم ايكون لحم عجل ( مو جكل) وهو يطلع لحم مصلحه الهندي اجلاب على بزازين على مصارين سمج !!


3-وطبعا النار مال اشوي فد عاليه اتكون . وهي اتلاكَيها اشويه وتطفى والقنينه مال الغاز تسحل بروحها يعني لو مستأجر مصري يشوي لحم على جداحه اهوايه احسن !



4-طبعا شكل الي يشوي يفتح النفس ( قميصه متروس عركَ وشعر صدره متر لي كَدام) ولابس نعال ابو (90) هاي ماركه رياضيه + تلفون دمعه ونغمته ( دعوفي رحمه على ابيك)



5-شئ اكيد ميكون لابس اجفوف و24 ساعه ايحكَ براسه لو برجله الوسخه


6- المحل ابو الكَص راح ايكون بي بوستر للرونالدينو وبي ستلايت بس على قناتين ( العراقيه , والقيثاره)


7-ولازم يكون باب المحل واحد سمين هذا دليل على انه سمين من الكَص الزين ويصيح ( هلا عيني اتفضل اغاتي)



8-والمقبلات ( طرشي وممحطوط عليه مو خل لا حامض الهيدروكلوريد لو نظائر مال باتري سياره) لان الريحه مالته ريحه مفاعل ايراني ( سخت ايران) يعني صنع في ايران


9-ماكو مكان لتصريف المخلفات الكَص فاحسن طريقه تنكه دهن ( الواحد يبجي على حالها) تكفي الغرض


10-فوك كل هذا القهر اسم المحل مأكولات الانيق !!!!!!
هع هع هع هع مع تحيات كاسبر

يسلمو حبيبي كاسبر
تقبل مروري